கிருஸ்மஸ் கொண்டாட்டமும் முஸ்லிம்களும்!!

25/12/2017 அன்று உலகெங்கிலும் வாழும் கிருஸ்தவர்கள் அனைவரும் இயேசு

கிறுஸ்த்துவின் பிறந்த தினமான கிருஸ்மஸ் பண்டிகையை வெகு விமர்சையாகக் கொண்டாடுவர். அதாவது எமது பாஷையில் நபி ஈஸா(அலை) அவர்களின் பிறந்த நாளை கொண்டாடுகின்றனர்.

சரி அதுதான் வருடா வருடம் நடைபெற்று வரும் வழமைதானே! இதில் புதிதாக என்ன இருக்கிறது? என வினா எழுப்பும் வாசகர்கள்,

‘வருடாந்தம் மீலாத் விழா என்ற பெயரில் நபி முஹம்மத் (ஸல்) அவர்களது பிறந்த நாளைக் கொண்டாடும் முஸ்லிம்கள் இன்னும் சில நாட்களில் ரபீஉல் அவ்வல் வரும்போது மீலாத் விழா கொண்டாட ஆயத்தம் ஆகும் முஸ்லிம்கள் ஏன் நபி ஈஸா (அலை) அவர்களது பிறந்த நாளான கிருஸ்மஸை கொண்டாடுவதில்லை’ என ஒரு கனம் சிந்திக்க வேண்டும்.!!

அத்துடன் முஸ்லிம்களின் மேற்படி வினோதமான நிலைப்பாடு ‘அத்தூதர்களில் எவருக்கு மத்தியிலும் நாம் பிரிவினை காட்டமாட்டோம்’ எனும் அல்குர்ஆன் வசனத்திற்கு முற்றிலும் முரனானது என்பதையும் நாம் கவனத்திற் கொள்ளவேண்டும்.

மாத்திரமின்றி கிருஸ்தவர்கள் கொண்டாடும் கிருஸ்மஸ் பண்டிகையாக இருந்தாலும் சரி முஸ்லிம்கள் கொண்டாடும் மீலாத் விழாவாக இருந்தாலும் சரி பிறந்த நாளை கொண்டாடுவது தொடர்பாக இஸ்லாத்தின் நிலைப்பாடு என்ன என்பதை நாம் தெளிவாக அறிந்திருப்பது மிகவும் அவசியமாகும்; அது தான் இக்கட்டுரையின் நோக்கமுங் கூட… .

 மீலாத் விழா  (பிறந்த நாள் கொண்டாட்டம் 

                                       ஓர் இஸ்லாமியக் கண்ணோட்டம்.

மீலாத் எனும் அறபு வினையடிக்கு பிறத்தல் பிறந்த நேரம் பிறந்த இடம் என்பது போன்ற கருத்துகள் காணப்படுகின்றன. எனினும் சமுதாய வழக்கில் நபி முஹம்மத் (ஸல்) அவர்களது பிறந்த நாளை கொண்டாடும் விதமாக பொதுவாக ரபீஉல் அவ்வல் மாதத்தில் கொண்டாடப்படும் விழாக்களுக்கே நாம் ‘மீலாத் விழா’ என அழைக்கின்றோம்.

மேற்படி ஒருவரது பிறந்தநாளை (அவர் எவ்வளவு பெரியாராக முக்கியத்துவம் வாய்ந்தவராக இருந்தாலுங் கூட) கொண்டாட வேண்டும் என்பதற்கோ அல்லது குறைந்த பட்சம் கொண்டாடலாம் என்பதற்கோ எந்த ஒரு ஆதாரத்தையும்  இஸ்லாத்தின் உன்மை மூலாதாரங்களான அல்குர்ஆனிலோ நபிவழியிலோ எம்மால் காணமுடியவில்லை.

மாறாக நபி (ஸல்) அவர்கள் தனக்கு முந்தைய காலத்தில் வாழ்ந்த நபிமார்களின் பிறந்த நாளைக் கொண்டாடியதாகவோ அல்லது தான் வாழும் காலத்தில் மரணித்து விட்ட நல்லடியார்களான தனது கண்மணியான மனைவி கதீஜா(ரழி) அவர்களதோ அல்லது தனது ஆருயிர்ப் புதல்விகளான றுகையா உம்மு குல்தூம் (ரழி) அவர்கள‌தோ பிற‌ந்த நாளைக் கொண்டாடவில்லை என்பதை நுனுக்கமாகப் பதிவுசெய்யப்பட்ட நபி (ஸல்) அவர்களது வாழ்க்கை வரலாறு உண‌ர்த்துகிறது.

அவ்வாறே நபி (ஸல்) அவர்கள் தனது வாழ்நாளின் போது உயிரோடிருந்த அன்பு மனைவி ஆயிஸா அருமை மகள் பாதிமா பாசப் பேரர்கள் ஹஸன்இஹுஸைன் (ரழி) ஆகியோரது பிறந்த நாளை ஒரு தடவையேனும் கொண்டாடவில்லை என்பதையும் நாம் அறிவோம்.

மாத்திரமின்றி நபி (ஸல்) அவர்களது ‘யார் இந்த மார்க்கத்தில் அதில் இல்லாத ஒன்றை புதிதாக உருவாக்குகின்றாரோ அவரது அச்செயல் நிராகரிக்கப்படும்’ என்ற அறிவுறுத்தலும் ‘புதிதாக உருவாக்கப்படும் அனைத்து விடயங்களும் நூதனங்களாகும்; நூதனங்கள் அனைத்தும் வ்ழிகேடுகளாகும், வழிகேடுகள் அனைத்தும் அவைகளை செய்பவர்களை நரகிலே கொண்டு போய்ச் சேர்க்கும்’ என்ற எச்சரிக்கையும் இஸ்லாத்தில் பிறந்த நாள் கொண்டாட்டம் தடை செய்யப்பட்டுள்ளது என்பதற்கான பலமான ஆதாரங்கள் என்பதை எமது முஸ்லிம் சமூகம் புரிந்து கொள்ள வேண்டாமா?!!

இவ்வாறான இஸ்லாத்தின் அடிப்படைப் போதனைகளை புரிந்து கொள்ளாத சகோதரர்கள் கூட ‘பிறப்பு என்பது அல்லாஹ்வின் நியதி உலகில் மனிதர்கள் மாத்திர‌மின்றி ஏனைய ஜீவராசிகளும் பிறக்கின்றன. பிறப்பால் யாரும் உயர்வதில்லை மாறாக அல்லாஹ்வை விசுவாசித்து அவனை அஞ்சி நடப்பதனாலேயே மனிதன் உயர்வடைகிறான். எனவே ‘பிறப்பு என்பது கொண்டாடப்பட வேண்டிய ஒரு விடயமே அல்ல’  என்று அறிவுபூர்வமாகச் சிந்தித்தாலாவது பிறந்த நாள் கொண்டாட்டம் பகுத்தறிவுக்கு முரணானது என்பதை உணர வேண்டாமா?!!

                             மீலாது விழா- ஓர் வரலாற்றுப் பார்வை

நபி (ஸல்) அவர்கள் தனது வாழ்நாளில் ஒரு முறையேனும் மீலாத் விழா (பிறந்த நாள் கொண்டாட்டம்) கொண்டாடவில்லை என்பதையும் மாறாக அது தொடர்பாக பொதுவான எச்சரிக்கைகளை வழங்கியுள்ளார்கள் என்பதையும்  ஏலவே நாம் கவனித்தோம். இப்போது கிருஸ்தவர்களது மத அனுஷ்டானமான பிறந்த நாள் கொண்டாட்டம் (மீலாது விழா) எப்போது யாரால் எமது சமுதாயத்திற்குள் புகுத்தப்பட்டது என்பதை அவதானிப்போம்.

இஸ்லாமிய வரலாற்றில் ஹிஜ்ரி நான்காம் நூற்றாண்டில் பக்தாதை தலைமையகமாகக் கொண்ட அப்பாஸிய ஆட்சிக்கெதிராக எகிப்திலே ‘பாத்திமிய்யாக்கள்’ கிளர்ச்சி செய்து ஒரு ஆட்சியை உருவாக்கினார்கள்.

உபைதுல்லாஹ் பின் மைமூன் அல்கத்தாஹ் எனும் யூதனின் பரம்பரையினரான பனூ உபைத் கோத்திரத்தாரே தங்களை பாத்திமா (ரழி) அவர்களது சந்ததியினர் என போலியாக அடையாளப்படுத்திக் கொண்டனர் என்பதை வரலாற்று ஆசிரியர்கள் சுட்டிக் காட்டுகின்றனர்.

இவ்வாறு கிளர்ச்சி மூலம் ஆட்சியை கைப்பற்றிய (போலி)பாத்திமிய்யாக்களின் அக்கால ஆட்சியாளர் ‘அல் முஇஸ்ஸு லிதீனில்லாஹ் என்பவரால் தமது நிர்வாகத்தில் மக்களுக்கு ஏற்படும் அதிருப்தியை சமாளிப்பதற்காகவும் தமது ஆட்சியைத் தக்க வைத்துக் கொள்வதற்காகவும் மக்கள் தமக்கெதிராகப் புரட்சியில் ஈடுப்டாமல் இருக்கவும் ஹிஜ்ரி 362ம் ஆண்டு ‘மௌலிதுன் நபி’ ‘மௌலிது அலி’ மௌலிது ஹஸன்’ மௌலிது ஹுஸைன்’ மௌலிது பாதிமா’ மௌலிது கலீபதுழ் ழாஹிர்(ஷீஆக்களின் ஹிஜ்ரி 230இல் பிறந்து இன்றுவரை மறைந்து வாழும் இமாம்!!!) என ஆறு பிறந்த நாள் கொண்டாட்ட விழாக்களை கிருஸ்தவர்களை அடியொற்றி முஸ்லிம் சமூகத்திலே உருவாக்கினார்.

இவரே உலகளாவிய முஸ்லிம்களின் ஒற்றுமைச் சின்னமான ‘அதான்’னில் (பாங்கு) ‘ஹய்ய அலஸ் ஸலாஹ் ஹய்ய அலல் பலாஹ்’ எனும் வாசகங்களை மாற்றி ‘ஹய்ய அலா ஹய்ரில் அமல்’ எனும் வார்த்தையை கொண்டு வந்தவருமாவார் என்பதும் இவ்விடத்தில் குறிப்பிடத்தக்கதாகும்.

மேற்படி (போலி)பாத்திமிய்யாக்களே வரலாற்று நெடுகிலும் முஸ்லிம்களின் ஆட்சிக்கெதிராக சூழ்ச்சிகள் செய்து வந்த ‘பாதினியாக்கள்’ எனும் பாதாள ராஜ்யத்தை ஸ்தாபித்தவர்கள் என்பதையும் இவர்கள் ‘உள்ளத்திலே இறை நிராகரிப்பையும் வெளியிலே ஷீஆயிஸத்தையும் கொண்டவர்கள்’ என்பதையும் வரலாற்று ஆசிரியர்கள் சுட்டிக்காட்டியுள்ளார்கள்.

(பார்க்க : அல் மவாஇழ் வல் இஹ்திபார்- அல் மிக்ரீஸி 1ஃ490

                                அர்ரவ்ழதைன்- அல்மக்திஸி 1ஃ201

                          அல் முஇஸ்ஸு லிதீனில்லாஹ்- கலாநிதி ஹஸன்

                            இப்றாஹீம் ஹஸன் கலாநிதி தாஹா அஹ்மத் 284)

                                  இரு சாராரை அடையாளங் காண்போம்.

இப்போது  பிறந்த நாள் கொண்டாட்டம் என்பது கிருஸ்தவர்களின் மத அனுஷ்டானத்தை முன்மாதிரியாகக் கொண்டு யூதர்களின் பேரர்களான சில புல்லுருவிகளால் எமது சமுதாயத்துக்குள் புதிதாகப் புகுத்தப்பட்ட வழிகேடுதான் என்பதை ஐயமின்றி அறிந்து கொண்டோம்.

இனி இவ்வளவு தெளிவான ஒரு வழிகேட்டை பகிரங்கமான பாவத்தை எமது சமுதாயத்தில் யார் இஸ்லாத்தின் பெயரால் செய்து வருகிறார்கள்? யார் அதற்கு  அதற்கு ஆதரவு வழங்குகிறார்கள்? என்பதை அடையாளங் காட்ட வேண்டிய அடையாளங் காண வேண்டிய தேவை எமக்கு உண்டல்லவா?.

இவ்வகையில் நோக்கும் போது  பிறந்த நாள் கொண்டாட்டம் எனும் மீலாது விழாவுடன் தொடர்புபட்ட இரு சாரார் எம் மத்தியில் காணப்படுகின்றனர்.அவர்களைத் தனித்தனியாக நோக்குவோம்.

முதலாம் சாரார் :-

இவர்கள் தங்களை ‘அவ்லியாக்களின் நேசர்கள்’ என அடையாளப்படுத்திக் கொண்டு கப்ரு வணக்கம் கந்தூரி வியாபாரம் போன்ற ஏராளமான அனாச்சாரங்களை செய்துவருபவர்கள்.

நபிகளார் மீதுள்ள நேசம் என்பது அன்னாரது கட்டளைகளையும் வழிமுறைகளையும் அனுவனுவாகப் பின்பற்றுவது என்றிருக்க வருடத்திற்கொரு முறை மேடை போட்டு நபிகளாரைப் பற்றிய உன்மை பொய்களை உரைத்துவிட்டு காலமெல்லாம் நபி(ஸல்) அவர்களது வழிமுறைக்கு மாற்றமாக செயற்பட்டு வருபவர்கள்.

எனினும் அல்லாஹ்வின் அருளால் அல்குர்ஆன் அஸ்ஸுன்னாவை மாத்திரம் தான் இஸ்லாத்தின் மூலாதாரங்களாகக் கொண்டு செயற்படும் ஏகத்துவப் பிரச்சாரகர்களது இடைவிடாத உழைப்பின் காரணமாக இச்சாராரின் மீலாது விழாக் கொண்டாட்டங்கள் சர்வதேச ரீதியாகவும் தேசிய ரீதியாகவும் ஒரு வரையறைக்குள் கொண்டுவரப்பட்டுவிட்டன என்பது மறுக்கவோ மறைக்கவோ முடியாத உன்மையாகும். அல்ஹம்து லில்லாஹ்.

இரண்டாம் சாரார்:‍-

இவர்கள் தங்களை ‘இஸ்லாமிய ஆட்சியை உருவாக்கப் பாடுபடுபவர்கள்’ என அடையாளப்படுத்திக் கொண்டு மேற்படி கிருஸ்தவ மத அனுஷ்டானமான யூதர்களின் வம்சாவழியினரால் உருவாக்கப்பட்ட மீலாது விழா எனும் பிறந்த நாள் கொண்டாடும் கலாச்சாரத்திற்கு நவீன காலத்தில் உயிரூட்டிவருபவர்கள்.

இவர்களில் சிலர் ‘மீலாது விழா இஸ்லாமிய கலாச்சாரம் அல்ல’ என கொள்கையளவில் ஏற்றுக் கொண்டாலும் ‘இன்று இஸ்லாத்தைப் பிரச்சாரம் செய்வதற்கான நல்லொதொரு வாய்ப்பு எனக் கூறி அனாச்சாரத்தின் முதுகிலேறி தமது புரட்சிக்கருத்துகளை!!  மக்கள் மத்தியிலும் குறிப்பாக பாடசாலை மட்டங்களில் மாணவர்கள் மத்தியிலும் விதைக்க முற்படுகின்றனர்.

இவ்வாறு ‘இஸ்லாமிய ஆட்சியை உருவாக்கப் புறப்பட்டவர்கள்’ இஸ்லாம் என்றால் என்ன? அன்னியர்களின் மத அனுஷ்டானம் என்றால் என்ன? என்ற அடிப்படையையே புரிந்துகொள்ளாமல் ப‌ரிதாப நிலையில் காணப்படுகிறார்கள் என்றால் இவர்களால் மதிக்கப்படும் மாபெரும் தலைவராகக் கருதப்படும் ஹஸனுல் பன்னா அவர்கள் கூட இந்த பகிரங்க வழிகேட்டிற்காக‌ பாடுபட்டார்கள் என்பது இதைவிடப் பரிதாபம் அல்லவா?!!

                               ஹஸனுல் பன்னாவும் மீலாது விழாவும்!!!

ஆம் ஹஸனுல் பன்னா அவர்கள் எகிப்தில் 1945 ம் ஆண்டு ‘இஹ்வானுல் முஸ்லிமீன்’ இயக்கத்தை ஆரம்பித்து படிப்படியாக மக்கள் மத்தியில் செல்வாக்குப் பெற ஆரம்பித்தார்கள்.

பின்பு தான் தேர்தலிலே போட்டியிடப் போவதாக அறிவிக்கிறார்கள்.

ஹஸனுல் பன்னா அவர்கள் தேர்தலிலே போட்டியிடுவது த‌ங்களுக்கு ஆபத்து என அப்போதிருந்த ஆளும்கட்சியினர் கருதியதால் ஹஸனுல் பன்னா அவர்களைச் சந்தித்து ‘ஹஸனுல் பன்னா அவர்களே! தாங்கள் என்ன நோக்கத்திற்காக போட்டியிடுகிறீர்களோ அதை நாம் நிறைவு செய்கிறோம் எனவே தேர்தலில் போட்டியிடுவதிலிருந்து வாபஸ் வாங்குங்கள்’ எனக் கேட்டுக் கொண்டனர்.

ஆளுங்கட்சியினரின் வாக்குறுதியை அப்பாவித்தனமாக நம்பிய ஹஸனுல் பன்னா அவர்களும் ‘தான் தேர்தலில் இருந்து வாபஸ் வாங்க வேண்டும் என்றால் இரு கோரிக்கைகளை அரசாங்கம் நிறைவேற்ற வேண்டும்’ எனக் கூறி தேர்தலில் இருந்து வாபஸ் வாங்கிக் கொண்டார்.

அவ்விரு கோரிக்கைகளில் ஒன்று ‘(கிருஸ்தவர்களின் மத அனுஷ்டானத்தை பின்பற்றி யூதர்களின் அடிவருடிகளால் இஸ்லாத்தில் புகுத்தப்பட்ட நரகத்திற்கு இட்டுச் செல்லும் வழிகேடான) மீலாது விழாவை தேசிய விடுமுறை தினமாக பிரகடனப்படுத்த வேண்டும்’ என்பதுதான் !!?

மேற்படி சம்பவம் எமது கற்பனைக் கதையல்ல. இஹ்வானுல் முஸ்லிமீன் இயக்கத்தின் உத்தியோக பூர்வ வரலாற்றுப் பதிவான கலாநிதி மஹ்மூத் அப்துல் ஹலீம் அவர்களால் பதிவுசெய்யப்பட்ட ‘அல்இஹ்வானுல் முஸ்லிமூன் அஹ்தாதுன் ஸனஅத் அத்தாரீஹ்’ எனும் நூலின் (இஹ்வானுல் முஸ்லிமீன் வரலாறு படைத்த சில நிகழ்வுகள்) முதலாம் பாகத்தில் குறிப்பிடப்பட்டுள்ளது !!

எனவே யார் எப்படியிருந்தாலும் மீலாது விழா எனும் பிறந்த நாள் கொண்டாட்ட விழா கிருஸ்தவர்களின் மத அனுஷ்டானத்தைப் பின்பற்றி யூத வம்சாவழியினரால் இஸ்லாத்தில் புகுத்தப்பட்ட வ்ழி கேடு  என்பதையும் அது எமது சமூகத்திலிருந்து ஒட்டுமொத்தமாக ஒழிக்கப்பட வேண்டிய அனாச்சாரம் என்பதையும் அனைவரும் உணர்ந்து கொள்வோமாக!

வல்ல அல்லாஹ் எமது தனித்துவமான இஸ்லாத்தையும் தனித்துவமான முஸ்லிம்களின் இஸ்லாமிய கலாச்சாரத்தையும் என்றென்றும் பாதுகாப்பானாக என்ற பிரார்த்தனையுடன் முடித்துக் கொள்கிறேன்.

---Nowfer Moulavi ---  www.nowfermoulavi.com

*******************************************************************************

மீலாத் விழாவை கண்டு பிடித்தது யார்  என அறிந்திட  இங்கே கிளிக் செய்யவும்

மவ்லிதை ஏன் தூக்கி எறிந்து விட வேண்டும் அறிந்திட  இங்கே கிளிக் செய்யவும்

மவ்லிது ஏற்படுத்திய தீய விளைவுகள் அறிந்திட இங்கே கிளிக் செய்யவும்

ஃபாத்திமியீன்களின் ஆட்சி காலத்தில் தான் மௌலூது ஆரம்பிக்கப்பட்டதா  அறிந்திட இங்கே கிளிக் செய்யவும்

மௌலூதும் கேலியும் கிண்டலும் காண இங்கே கிளிக் செய்யவும்

முஹைய்யத்தீன் மெளலூதின்  சின்ன துஆ  காண இங்கே கிளிக் செய்யவும்

அபூலஹப் கொண்டாடிய மீலாது விழா மவ்லிது காண இங்கே கிளிக் செய்யவும்

மீலாது விழாவின் பரினாம வளர்ச்சி காண  இங்கே கிளிக் செய்யவும்

நபிகள் நாயகத்தை புகழ்வது தவறா?  பதிலை காண இங்கே கிளிக் செய்யவும் 
ஹுசைன் மவ்லிது ஓர் ஆய்வு 02  காண இங்கே கிளிக் செய்யவும் 
மவ்லூத் மறுப்புக்கான  காரணத்தை அறிந்து கொள்ள இங்கே கிளிக் செய்யவும் 
தூதரை எவ்வாறு மதிப்பது ? அறிந்து கொள்ள இங்கே கிளிக் செய்யவும் 
நபி(ஸல்) அவர்கள் கவி பாடினார்களா? அறிந்து கொள்ள இங்கே கிளிக் செய்யவும்
சலாத்துன் நாரியா ?   வை அறிந்து கொள்ள இங்கே கிளிக் செய்யவும் 
வரவேற்பு பாடல் மவ்லிதுக்கு ஆதாரமா காண இங்கே கிளிக் செய்யவும்