ஷிர்க்கின் எதிரி

காரியங்களில் திகைப்படைந்து விடுவீர்களேயானால்....

அடுத்து காரியங்களில் திகைப்படைந்து விடுவீர்களேயானால் அவுலியாக்கள் கபுருகளுக்கு சென்று உதவி தேடிக்கொள்ளுங்கள்

என்று கபுறு வணங்கிகளால் முவைக்கப்படும் ஹதீஸ் பற்றி பார்ப்போம்

வாதம்:-

பெருமானார் (ஸல்) அலைஹி வஸல்லம் கூறினார்கள்

اذا تحيرتم في الامور فاستعينوا باهل القبور

நீங்கள் காரியங்களில் திகைப்படைந்தால் கப்ரு உடையவர்களை (வலிமார்களை) கொண்டு உதவி தேடவும்.

அறிவிப்பவர் அப்துல்லாஹ் பின் மஸ்ஊத் ரலி

ஆதாரம் தஃப்ஸீருல் ரூஹூல் பயான் பாகம் 5

பதில்

கப்ர் வணங்கிகள் எத்தகைய கடைந்தெடுத்த அயோக்கியர்கள் என்பதை இந்த வாதத்தின் மூலம் அவர்களை அறியாதவர்களும் அறிந்து கொள்ளலாம்.

தங்கள் வழிகெட்ட கொள்கையை நிலைநாட்டவும் மக்களிடம் அதை விற்கவும் எந்த செயலிலும் இறங்குவார்கள் என்பதை புரிய இது ஒன்றே போதுமானது.

நீங்கள் காரியங்களில் திகைப்படைந்தால் கப்ரில் உள்ள வலிமார்களைக் கொண்டு உதவி தேடவும் என்று நபி (ஸல்) அவர்கள் கூறினார்களாம்.

இந்தச் செய்தி கட்டுக்கதைகளின் தொகுப்பான ரூஹுல் பயான் நூலில் பதிவு செய்யப்பட்டுள்ளது.

துருக்கி நாட்டைச் சேர்ந்த ஹனபி மத்ஹப் வெறியரான இஸ்மாயீல் ஹக்கீ என்பவரால் எழுதப்பட்டதே இந்த நூல். ஹிஜ்ரி 1127 ஆம் ஆண்டு மரணித்த மிகவும் பிற்காலத்தைச் சேர்ந்தவர் இவர். ஹதீஸ் திரட்டிய காலத்தின் அறிஞர் அல்ல. இதையும் தூக்கி அடிக்கக் கூடிய கட்டுக்கதைகள் எல்லாம் இந்தக் குப்பை நூலில் மலிந்து காணப்படுகின்றன.

நபிகள் நாயகம் (ஸல்) அவர்கள் பற்றிய செய்தி என்றால் அந்த ஹதீஸ் நபிகளில் தொடங்கி நூலாசிரியர் வரை அறிவிப்பாளர் தொடர் இருக்க வேண்டும். அல்லது அறிவிப்பாளர் தொடருடன் கூடிய நூல்களில் பதிவு செய்யப்பட்டதை எடுத்துக் காட்ட வேண்டும்.

அப்படி ரூஹுல் பயானில் குறிப்பிடப்படவில்லை.

(إذا تحيرتم في الأمور فاستعينوا من أصحاب القبور) كذا في الأربعين لابن كمال باشا - روح البيان (5/ 178)

இதுதான் ரூஹுல் பயான் என்ற கட்டுக்கதை நூலில் உள்ள விபரம். அதாவது இந்த ஹதீஸ் இப்னு கமால் பாஷா என்பவரின் நாற்பது ஹதீஸ்கள் என்ற நூலில் உள்ளதாக இந்த அறிவிலி குறிப்பிடுகிறார்.

இப்னு கமால் பாஷா என்பவர் ஹதீஸ் தொகுத்த காலத்தவர் அல்லர். ஹிஜ்ரி 940ல் வாழ்ந்தவர் தான் இவர். நபிகள் சொன்ன செய்தி 940ல் வாழ்ந்தவருக்கு எப்படி கிடைக்கும்? 940 ஆன்டுகளாக வாழ்ந்த எந்த அறிஞரும் பதிவு செய்யாத செய்தி இவருக்கு எப்படி கிடைக்கும்?

இந்த ஆசாமியும் ஹனபி மத்ஹப் வெறியராவார். ஹதீஸ்கள் பற்றியோ, அதன் தராதரம் பற்றியோ அறிவில்லாதவர். இந்தப் பொய்யர் சுயமாக இட்டுக்கட்டி நபியின் பெயரால் சொன்னதை இன்னொரு பொய்யரான ரூஹுல் பயான் ஆசிரியர் எடுத்துக் காட்டுகிறார்.

இப்னு கமால் பாஷா என்று ஒரு ஷைத்தான் தோன்றுவான். அவனை நம்பாதீர்கள் என்று நபி சொன்னதாக இப்போது ஒருவர் பதிவிட்டால் அதன் தரம் என்னவோ அந்தத் தரம் தான் இவரது நூலுக்கும் உள்ளது.

தர்காவாதிகளுக்கு பகிரங்க சவால் விடுகிறோம்.

இந்தச் செய்தி எந்த ஹதீஸ் நூலில் உள்ளது? இதன் முழு அறிவிப்பாளர் தொடர் என்ன?

இணைவைப்பை ஒழிக்க வந்த இறைத்தூதர் (ஸல்) அவர்கள் இப்படி கூறினார்கள் என்பதை நிரூபிக்க முடியுமா?

நபிகளார் மீது இட்டுக்கட்ட எப்படி மனம்வந்தது? என்றெல்லாம் கப்ர் வணங்கிகளிடம் கேட்க முடியாது. அவர்களின் தொழிலே அது தானே.

தங்கள் கருத்தை நிலைநாட்ட நபிகள் நாயகத்தின் பெயரை பயன்படுத்தி பொய்களை அள்ளிவிடுவது கப்ர் வணங்கிகளுக்கு கைவந்த கலை. அவர்கள் படித்த மத்ஹபு நூற்கள் அவர்களை அப்படி பயபக்தி கொண்டவர்களாக பரிணமிக்கச் செய்கிறது.

அதனால் எப்படி நபி மீது இட்டுக்கட்டினீர்கள் என்ற கேள்வியைத் தவிர்த்து விட்டு வேறு சில கேள்விகளை தர்காவாதிகளிடம் கேட்கிறோம். முடிந்தால் பதிலளிக்கட்டும்.

கேள்வி 1

ஒரு செயலில் தடுமாற்றம் ஏற்படும் போது வலிமார்களின் கப்ரில் உதவி வேண்டுமாறு நபிகளார் சொன்னது உண்மை எனில் பிறகேன் அதை செய்த யூத, கிறித்தவர்களை நபிகள் நாயகம் (ஸல்) அவர்கள் சபித்தார்கள்?

நபி (ஸல்) அவர்கள் (தமது மரணத்தருவாயில்) நோயுற்றிருந்தபோது, "யூதர்களையும் கிறித்தவர்களையும் அல்லாஹ் தனது கருணையிலிருந்து அப்புறப்படுத்துவானாக! அவர்கள் தங்களின் நபிமார்களது அடக்கத்தலங்களை வணக்கத்தலங்களாக ஆக்கிவிட்டார்கள்'' எனக் கூறினார்கள்.

அறிவிப்பவர் : ஆயிஷா ரலி, நூல் : புகாரி 1390

கப்ர் வணங்கிகளின் வாதப்படி நபிகளார் சொன்னதைத் தானே யூதக்கிறித்தவர்கள் செய்தார்கள்?

பிறகேன் இந்த யூதர்களும் கிறித்தவர்களும் நபிகள் நாயகத்தால் சபிக்கப்பட்டார்கள் என்பதை யூதக்கிறித்தவ கூட்டாளிகளான தர்காவாதிகள் விளக்குவார்களா?

கேள்வி 2

எதைக் கேட்பதாக இருந்தாலும் அல்லாஹ்விடம் மட்டுமே கேள் என்று குர்ஆன் வழியில் நபிகளார் கற்றுத் தந்துள்ளார்கள்.

என்னைப் பற்றி எனது அடியார்கள் உம்மிடம் கேட்டால் "நான் அருகில் இருக்கிறேன். பிரார்த்திப்பவன் என்னைப் பிரார்த்திக்கும்போது பிரார்த்தனைக்குப் பதிலளிக்கிறேன். எனவே என்னிடமே பிரார்த்தனை செய்யட்டும்! என்னையே நம்பட்டும். இதனால் அவர்கள் நேர்வழி பெறுவார்கள்'' (என்பதைக் கூறுவீராக!) அல்குர்ஆன் 2 186

இந்த இறைவசனத்தை நமக்கு கற்றுத்தந்த நபிகளார் இதற்கு மாற்றமாக உனக்கு தடுமாற்றம் வந்தால் கப்ரில் உள்ளோரிடம் போய் உதவி வேண்டு, அவர்களிடம் போய் பிரார்த்தனை செய் என்று எப்படி கூறுவார்கள்?

தர்காவாதிகள் பதிலளிப்பார்களா? அல்லது பல்லிளிப்பார்களா?

கேள்வி 3

நபிகள் நாயகம் கூறியதாக கப்ர் வணங்கிகள் இட்டுக்கட்டிச் சொன்ன செய்தியை சற்று நன்றாகக் கவனியுங்கள்.

இதில் வலிமார்களை என்பது நேரடிச் சொல்லில் இல்லை. அடைப்புக்குறிக்குள் தான் உள்ளது.

அப்படி பார்த்தால் கப்ரு உடையவர்களை அதாவது கப்ரில் உள்ளவர்களைக் கொண்டு உதவி தேடவும் என்று தான் அந்தப் பொய்யான செய்தியில் உள்ளது.

கப்ரில் உள்ளவர்கள் என்பது பொதுவான சொல்லாகும்.

கப்ரில் நல்லோரும் இருப்பார்கள் தீயோரும் இருப்பார்கள்.

அதன்படி கப்ரில் உள்ள யாரைக் கொண்டும் உதவி தேடலாம் என்று சொல்லவேண்டியது தானே?

மேலும் முஸ்லிம்கள் மட்டுமின்றி இறைமறுப்பாளர்களும் கப்ரில் உள்ளவர்கள் தாம். கப்ரில் உள்ளவர்களைக் கொண்டு உதவி தேடு என்று நபி சொன்னது உண்மை எனில் கப்ரில் இறைமறுப்பாளர்களை கொண்டும் உதவி கேட்க வேண்டியது தானே? நபி சொன்னதற்குப் பிறகு அவர்களைக் கொண்டு உதவி தேடுவதில் இவர்களுக்கு என்ன தடை?

நபி மீது இட்டுக்கட்டிச் சொல்வது என்றாகி விட்டதற்கு பிறகு வலிமார்களிடம் என்பது மட்டும் ஏன் அடைப்புக்குறிக்குள் அந்தரத்தில் தொங்கி கொண்டிருக்க வேண்டும். அதையும் நேரடியாக நபியின் வார்த்தையாக இட்டுக்கட்டி இது போன்ற கேள்விகளை தவிர்த்திருக்கலாமே?

இப்படி பல கேள்விகள் இவர்களிடம் கேட்கலாம்.

பல வருடங்களாக நாம் கேட்கும் கேள்விகளுக்கு வாய்திறக்க மறுப்பவர்கள் இதற்கா பதிலளிக்க போகிறார்கள்?

---onlinepj.com---

********************************************************************************

-حديث: (( إذا أعيتكم الأمور فعليكم بأصحاب القبور)) وفي لفظ: ((إذا تحيرتم في الأمور فاستعينوا بأهل القبور)) .

تخريجه:

لم أقف عليه مسنداً في شيء من الكتب.

الحكم عليه:

الحديث موضوع باطل فلا أصل له .

قال شيخ الإسلام -رحمه الله- : "ويروون حديثاً هو كذب باتفاق أهل المعرفة ، وهو: ((إذا أعيتكم الأمور فعليكم بأصحاب القبور)) ، وإنما هذا وضع من فتح باب الشرك" مجموع الفتاوى(11/293) ..

وقال -رحمه الله-: "ويروون أحاديث مكذوبة من جنس أكاذيب الرافضة ؛ مثل قولهم: ((لو أحسن أحدكم ظنه بحجر نفعه الله به)) ، وقولهم : ((إذا أعيتكم الأمور فعليكم بأصحاب القبور))" منهاج السنة(1/483) .

وقال -رحمه الله- : "وإن كان بعض الناس من المشايخ المتبوعين يحتج بما يرويه عن النبي -صلى الله عليه وسلم- أنه قال: ((إذا أعيتكم الأمور فعليكم بأهل القبور-أو قال:- فاستعينوا بأهل القبور)) فهذا الحديث كذب مفترى على النبي -صلى الله عليه وسلم- بإجماع العارفين بحديثه ، لم يروه أحد من العلماء بذلك ، ولا يوجد في شيء من كتب الحديث المعتمدة" مجموع الفتاوى(1/356) ، ومجموعة الرسائل والمسائل(1/23،24).

وقال ابن القيم -رحمه الله-:"ومنها أحاديث مكذوبة مختلقة وضعها أشباه عباد الأصنام من المقابرية على رسول الله -صلى الله عليه وسلم- تناقض دينه وما جاء به ، كحديث : ((إذا أعيتكم الأمور فعليكم بأصحاب القبور)) ، وحديث: ((لو أحسن أحدكم ظنه بحجر نفعه)) ، وأمثال هذه الأحاديث التي هي مناقضة لدين الإسلام ، وضعها المشركون ، وراجت على أشباههم من الجهال الضلال ، والله بعث رسوله بقتل من حسن ظنه بالأحجار ، وجنب أمته الفتنة بالقبور بكل طريق" إغاثة اللهفان(1/215) ..

وقال الشوكاني -رحمه الله- : "وأما حديث: ((إذا أعيتكم الأمور)) فإنه مكذوب ، ومن وضع الزنادقة الذين قصدوا إفساد الدين" الدر النضيد في إخلاص كلمة التوحيد(ص/65) . والله أعلم.

***********************************************************************

இதுபற்றிய மேலும் சில பதிவுகள் .....

காபிர்களைப் பற்றி இறங்கிய வசனங்களை, மூமின்களுக்குப் பயன்படுத்தலாமா? அறிந்து கொள்ள இங்கே கிளிக் செய்யவும்
இறந்தவர்கள் செவியேற்பார்களா? அறிந்து கொள்ள இங்கே கிளிக் செய்யவும்
மய்யித் செருப்பின் ஓசையை எப்படி கேட்கிறது அறிந்து கொள்ள இங்கே கிளிக் செய்யவும்
டாக்டரிடம் கேட்பது போல் அவ்லியாக்களிடம் கேட்பது சரியா? அறிந்து கொள்ள இங்கே கிளிக் செய்யவும்
கேட்கமாட்டார்கள் என்றால் ஸலாம் சொல்வது ஏன் அறிந்து கொள்ள இங்கே கிளிக் செய்யவும்
யூசுப் நபியின் சட்டை ஆதாரமாகுமா? அறிந்து கொள்ள இங்கே கிளிக் செய்யவும்
ஈஸா நபியின் அழைப்புக்கு நபி(ஸல்) அவர்கள் எப்படி பதில் அளிப்பார்கள்? அறிந்து கொள்ள இங்கே கிளிக் செய்யவும்
உஹத் மலையிடம் உதவி தேடினார்களா ? அறிந்து கொள்ள இங்கே கிளிக் செய்யவும்
இப்ராஹீம் நபி பறவையை அழைத்தார்களா ? அறிந்து கொள்ள இங்கே கிளிக் செய்யவும்
யா ஜிபாலு (மலைகளே) என்று அல்லாஹ் அழைத்துள்ளானே அறிந்து கொள்ள இங்கே கிளிக் செய்யவும்
யா சாரி என்று உமர் (ரலி) அழைத்தார்களா? அறிந்து கொள்ள இங்கே கிளிக் செய்யவும்
சுலைமான் நபி இறந்தவர்களிடம் உதவி தேடினாரா? அறிந்து கொள்ள இங்கே கிளிக் செய்யவும்
ரஹ்மத்துடைய கூட்டத்தார் களிடத்தில் உங்களை தேவைகளை தேடிபெற்றுக்கொள்ளுங்கள் இது சரியா ? அறிந்து கொள்ள இங்கே கிளிக் செய்யவும்
மணித சஞ்சாரம் இல்லாத இடத்தில் மாட்டிவிட்டால் அறிந்து கொள்ள இங்கே கிளிக் செய்யவும்
இறந்தவர்கள் இவ்வுலகில் உள்ளதை அறிகிறார்கள் என்பதை ஆயிஷா(ரழி) அவர்கள் அறிந்து வைத்திருந்தார்களா அறிந்து கொள்ள இங்கே கிளிக் செய்யவும்
யா முஹியத்தீன் என்று அழைக்கலாமா அறிந்து கொள்ள இங்கே கிளிக் செய்யவும்
நபிகளாருக்கு உதவி செய்த மூஸா நபி அறிந்து கொள்ள இங்கே கிளிக் செய்யவும்
மவ்லூத் மறுப்புக்கான காரணம் அறிந்து கொள்ள இங்கே கிளிக் செய்யவும்

ஏடு சுமக்கும் கழுதைகள்

தவ்ராத் சுமத்தப்பட்டு பின்னர் அதைச்சுமக்காமல் (அதன் படி நடக்காமல்) இருந்தார்களே அவர்களது உதாரணம் ஏடுகளைச்சுமக்கும் கழுதையைப் போன்றது. அல்லாஹ்வின் வசனங்களைப் பொய்யெனக்கருதுவோருக்குரிய உதாரணம் மிகவும் கெட்டது. அநீதி இழைக்கும் கூட்டத்திற்குஅல்லாஹ் நேர் வழி காட்டமாட்டான். (அல்குர்ஆன் 62 : 5)

கழுதையின் முதுகில் அழுக்கு மூட்டைகளை ஏற்றிவைத்தாலும் அது அழுக்கு மூட்டை என்பதை சிந்திக்காமல் கழுதை சுமந்து செல்லும்.*

அது போல் அறிவு நிறைந்த புத்தகங்களை ஏற்றினாலும் அது அழுக்கு மூட்டையைப் போல் சுமந்துதான் செல்லும்*

அதிலுள்ள கருத்துக்கள் ஆழமிக்கவை என்பதை கழுதை அறியாது.

கழுதைக்கு தெரியுமா கற்பூர வாசனை?

தான் முதுகில் சுமக்கும் பொருளின் மதிப்பை அறியாத மிருகம்தான் கழுதை.

அது போன்றுதான் வேதத்தைப் பெற்று அதனை வாயளவில் மட்டும் படித்து விட்டு செயலளவில் பின்பற்றாமல் அதிலுள்ள கருத்துக்களை மாற்றியும் மறைத்தும் வந்த சமுதாயத்தை அல்லாஹ் ஏடுகளின் மதிப்பை உணராமல் வெறும் பொதி மூட்டையாகச் சுமக்கும் கழுதைக்கு ஒப்பாகக் கூறுகிறான்.*

இந்த வசனம் இன்றும் நம்மில் பலருக்கு ஒத்துப்போவதை இன்று கண்கூடாக பார்க்க முடிகிறது

நம்மில் பலர் குர்ஆனை நன்கு படித்திருப்பார்கள்.

நபிகள் நாயகத்தின் பொன் மொழிகளையும் நன்கு உள் வாங்கியிருப்பார்கள்.

ஆனால் மத்ஹப் என்ற மாயையில் வீழ்ந்து கிடப்பார்கள்.

இறந்தவர்களின் சமாதியில் தங்களின் தலையை சாய்ப்பார்கள்.

அப்படி செய்தால் என்ன தவறு என்றும் கேட்பார்கள்.

குர்ஆனின் ஒரு பகுதியை சொல்லி விட்டு மறு பகுதியை மறைத்து விடுவர்.

இவர்களைப் பார்த்தே இறைவன் குர்ஆனிலே 'ஏடு சுமக்கும் கழுதைகள்' என்கிறான்.

ஹிழ்ர் அலைஹிஸ்ஸலாம்

ஹிழ்ர் அலைஹிஸ்ஸலாம் அவர்கள் பற்றி குர்ஆனில் வந்துள்ள சம்பவத்தை தவிர்த்து பல தவறான நம்பிக்கைகள் நமது சூபி தரீக்கத்து சகோதரர்களிடம் உள்ளது. இவர் ஒரு "ஹயாத்து நபி ' என்றும் இன்றுவரை வாழ்ந்து கொண்டு இருக்கிறார் என்றும் பல கட்டு கதைகளும் உள்ளன.
இது இவ்வாறு இருக்க……

மூஸா அலைஹிஸ்ஸலாம் அவர்களுக்கும் ஹிழ்ர் அலைஹிஸ்ஸலாம் அவர்களுக்கும் இடையில் நடைபெற்ற சம்பவத்துக்குள் நூழைவோம்.
முதலில் மூஸா அலைஹிஸ்ஸலாம் அவர்கள் ஹிழ்ர் அலைஹிஸ்ஸலாம் அவர்களை ஏன் சந்திக்க நேர்ந்தது ?

பனூ இஸ்ராயீல் குலத்தாரின் பிரமுகர்கள் நிறைந்த ஓர் அவையில் ஒரு மனிதர் வந்து மூஸா (அலை) அவர்களிடம், உங்களைவிட அதிகமாக அறிந்தவர் எவரையாவது உங்களுக்குத் தெரியுமா? என்று கேட்டார். மூஸா (அலை) அவர்கள் (அப்படி எவரும் இருப்பதாக) எனக்குத் தெரியவில்லை என்றார்கள். அன்று வாழ்ந்தவர்களில் மூஸா (அலை) ம் தான் பூமியில் எல்லாம் அறிந்தவர் என்ற பதிலை கூறுகிறார்கள். இதை அல்லாஹ் கண்டிக்கிறான்.
மூஸா(அலை) அவர்களுக்கு அல்லாஹ் என்ன கூறுகிறான் என்றால் :'அப்படியல்ல நம் அடியார் 'களிர்' உங்களை விட அறிந்தவராயிருக்கிறார்' என்று கூறினான்.

இதில் நாம் தெளிவாக பாடம் பெறுவது என்னவென்றால்:

எல்லாம் அறிந்தவன் அல்லாஹ் ஒருவனே. மனிதர்களில் ஒருவருக்கு தெரியாத விடையம் இன்னுமொருவருக்கு அல்லாஹ் அறிவித்து கொடுத்து இருப்பான் என்பதாகும் எல்லவற்றையும் அறிந்தவன் அல்லாஹ் ஒருவன் மட்டுமே என்பதாகும். அவ்வாறு சொல்லாததால் தான் அல்லாஹ் மூஸா அலை அவர்களை கண்டித்தான்.

அடுத்த பாடம் நாம் பெறுவது என்னவென்றால் :

அல்லாஹ் இவ்வாறு கூறியதும் மூஸா(அலை ) அவர்கள் தனக்கு அவற்றை ஹிழ்ர் அலைஹிஸ்ஸலாம் அறிந்ததை வஹி மூலம் கற்று தரும்படி கேட்க வில்லை மாறாக அவர்கள் கேட்டது அந்த நபர் எங்கு உள்ளார் நான் அவரிடம் சென்று அறிந்து கொள்ள வேண்டும் என்று கேட்டார்கள்.
இது ஒரு நல்ல பாடம் :
அறிவை நாம் தேடி செல்ல வேண்டும் அது எவ்வளவு தூரமாக இருந்தாலும் சரியே இப்பொது தொழில் நுட்பம் காரணாமாக குறைந்த காலத்தில் பல இடத்துக்கு பிரயாணம் செய்யும் வசதி உள்ளதால் கற்று கொள்வதும் முன்னைய காலத்தை விட பல மடங்கு இலகுவாக உள்ளது.

அடுத்து மூஸா (அலை ) அவர்கள் ஹிழ்ர் அலைஹிஸ்ஸலாம் அவர்களை காண செல்கிறார்கள் அவர்களை காணும் முன் சில சம்பவம்கள் நடக்கிறது
அந்த சம்பவத்தின் பின் ஹிழ்ர் அலைஹிஸ்ஸலாம் அவர்களை ஒரு இடத்தில் சந்திக்கிறார்கள், இருவருக்கும் இடையில் உரையாடல் நடை பெறுகிறது இதை அல்லாஹ் கூறும் போது என்ன சொல்கிறான் என்றால்:

18:65. (இவ்வாறு) அவ்விருவரும் நம் அடியார்களில் ஒருவரைக் கண்டார்கள்; நாம் அவருக்கு நம்மிடமிருந்து கிருபை அருளியிருந்தோம்; இன்னும் நாம் அவருக்கு நம்மிடமிருந்து கல்வி ஞானத்தையும் கற்றுக் கொடுத்திருந்தோம்.
அதாவது ஹிழ்ர் அலைஹிஸ்ஸலாம் அவர்கள் எதை செய்ய உள்ளாரோ அதை அவர்களுக்கு அல்லாஹ் கற்று கொடுத்து விட்டான்,

அவராக எதையும் செய்ய வில்லை என்பதாகும்.
அத்துடன் மூஸா (அலை ) அவர்கள் ஹிழ்ர் அலைஹிஸ்ஸலாம் அவர்களை நோக்கி கேட்டது :
18:66. “உங்களுக்குக் கற்றுக் கொடுக்கப்பட்ட நன்மையானவற்றை நீங்கள் எனக்குக் கற்பிக்கும் பொருட்டு, உங்களை நான் பின் தொடரட்டுமா? என்று அவரிடம் மூஸா கேட்டார்.

இந்த குர்ஆண் வசனமும் கூறுவது ஹிழ்ர் அலைஹிஸ்ஸலாம் அவர்களுக்கு அல்லாஹ் சில விடையத்தை செய்யுமாறு அறிவை கொடுத்துள்ளான் என்பதாகும். அது என்ன விடயம் என்ற அறிவுதான் மூஸா (அலை) அவர்களுக்கு கொடுக்கப்படவில்லை.

இந்த இடத்தில் நடக்கும் சம்பவத்தில் பொறுமை சோதிக்கப்படுகிறது அதாவது ஒருவருக்கு ஒரு விடயத்தில் முழுமையான அறிவு இருக்கும் போது அந்த குறிப்பிட்ட விடயத்தில் எந்த அறிவும் இல்லாத ஒருவர் கூடவே சென்றால் மற்றவர் அந்த விடையத்தை செய்யும் போது ஏன் ? செய்கிறார் என்ற கேள்வி எழுப்புவது மனித இயல்பு அதனால் தான் ஹிழ்ர் அலைஹிஸ்ஸலாம் அவர்கள் கேட்கிறார்கள் :

18:67. (அதற்கவர்,) “நிச்சயமாக நீர் என்னுடன் பொறுமையாக இருக்க இயலமாட்டீர்!” என்று கூறினார்.
18:68. “(ஏனெனில்) எதைப் பற்றி உமக்கு முழுமையான ஞானம் இல்லையோ, அதில் நீர் எவ்வாறு பொறுமையாயிருப்பீர்!” (என்று கேட்டார்.)
தட்காலத்தில் கூட நாம் ஏகத்துவத்தை சொல்லும் போது நாம் என்ன சொல்கிறோம் என்பதை முழுமையாக கேட்பதும் இல்லை பார்ப்பதும் இல்லை எடுத்த எடுப்பில் எதிர்ப்பதை கூட பார்க்கலாம். எதையும் முழுமையாக அறிந்த பின் கேள்விகளை கேட்பது சிறந்தது.
ஹிழ்ர் அலைஹிஸ்ஸலாம் அவர்கள் தான் சில விடையங்கள் செய்யப்போவதாகவும் அதட்கான காரணத்தை கடைசியாக கூறுவதாகவும் இடையில் எந்த கேள்வியும் கேட்க வேண்டாம் என்றும் சொன்னார்கள்.

முதலாவது சம்பவம் :

(ஸஹீஹ் புகாரியில் 122)
இருவரும் கப்பல் எதுவும் கிடைக்காத நிலையில் கடற்கரை ஓரமாகவே நடந்து சென்றார்கள். அவ்விருவரையும் ஒரு கப்பல் கடந்து சென்றது. தங்களையும் (அக்கப்பலில்) ஏற்றிக் கொள்ளுமாறு கேட்டுக் கொண்டார்கள். அவர்கள் கிள்று அவர்களை அறிந்திருந்ததால் அவ்விருவரையும் கட்டணம் ஏதுமின்றிக் கப்பலில் ஏற்றினார்கள்.
ஒரு சிட்டுக்குருவி வந்து கப்பலின் ஓரத்தில் அமர்ந்து கடலில் ஒன்றிரண்டு முறை கொத்தியது. அப்போது கிள்று அவர்கள், 'மூஸா அவர்களே! இச்சிட்டுக் குருவி கொத்தியதால் கடலில் எவ்வளவு குறையுமோ அது போன்ற அளவுதான் என்னுடைய ஞானமும் உம்முடைய ஞானமும் அல்லாஹ்வின் ஞானத்திலிருந்து குறைத்து விடும்' என்று கூறினார்கள்.

சுபஹானல்லாஹ், அல்லாஹ்வின் அறிவு எம்மாத்திரம் அல்லாஹ்வின் அறிவோடு ஒப்பிடும் போது இந்த நல்லடியார்களின் அறிவு சிறு துளி.
அல்லாஹ் ஒருவனே எல்லாம் அறிந்தவன்.
அடுத்து இன்னுமொருவிடயம் நாம் எவ்வளவு கற்று அறிந்தாலும் நமக்குத்தான் எல்லாம் தெரியும் என்ற இறுமாப்பு இல்லாமல் ஹிழ்ர் அலைஹிஸ்ஸலாம் போல் பேச்சில் பணிவு இருக்க வேண்டும்.

அடுத்து இந்த சம்பவத்தின் தொடரை பார்ப்போம்:
(சற்று நேரம் கழித்ததும்) கப்பலின் பலகைகளில் ஒன்றை கிள்று (அலை) கழற்றினார்கள். இதைக் கண்ட மூஸா(அலை) அவர்கள் 'நம்மைக் கட்டணம் ஏதுமின்றி ஏற்றிய இந்த மக்கள் மூழ்கட்டும் என்பதற்காக, வேண்டுமென்று கப்பலை உடைத்து விட்டீரே?' என்று கேட்டார்கள். 'மூஸாவே! நிச்சயமாக நீர் என்னுடன் பொறுமையோடிருக்க ஆற்றல் பெறமாட்டீர் என்று நான் (முன்பே உமக்குச்) சொல்லவில்லையா? என்று கிள்று அவர்கள் கேட்டார்கள். அதற்கவர்கள், 'நான் மறந்துவிட்டதற்காக என்னை நீர் (குற்றம்) பிடித்து விடாதீர்' என்று கேட்டுக் கொண்டார்கள். எனவே முதற் பிரச்சினை மூஸாவிடமிருந்து மறதியாக ஏற்பட்டுவிட்டது. (கடல் வழிப் பயணம் முடிந்து).

குர்ஆண்: 18:71. பின்னர் இருவரும் ஒரு மரக்கலத்தில் ஏறும் வரையில் நடந்து சென்றனர், (மரக்கலம் கடலில் செல்லலானதும்;) அவர் அதில் ஓர் ஓட்டையைப் போட்டார்; “இதிலுள்ளவர்களை மூழ்கடிக்கவா நீங்கள் இதில் ஓர் ஓட்டையைப் போட்டீர்கள்? நிச்சயமாக நீங்கள் ஓர் (அபாயகரமான) பெருங் காரியத்தைச் செய்துவிட்டீர்கள்” என்று (மூஸா) கூறினார்.

இரண்டாவது சம்பவம்:

மீண்டும் இருவரும் நடந்து போய்க் கொண்டிருந்தார்கள். அப்போது ஒரு சிறுவன் ஏனைய சிறுவர்களுடன் விளையாடிக் கொண்டிருந்தான். கிள்று அவர்கள் அதன் தலையை மேலிருந்து பிடித்து (இழுத்து)த் தம் கையால் (திரும்) தலையை முறித்துவிட்டர்கள். உடனே மூஸா(அலை) அவர்கள் 'யாரையும் கொலை செய்யாத (ஒரு பாவமும் அறியாத) தூய்மையான ஆத்மாவைக் கொன்று விட்டீரே?' என்று கேட்டார்கள். அதற்கு கிள்று அவர்கள் 'மூஸாவே! நிச்சயமாக நீர் என்னுடன் பொறுமையாயிருக்க முடியாது என்று உம்மிடம் நான் முன்பே சொல்லவில்லையா?' என்று கேட்டார்கள்

மூன்றாவது சம்பவம்:

மீண்டும் இருவரும் (சமாதானமாய்) நடந்து போய்க் கொண்டிருந்தார்கள். முடிவாக ஒரு கிராமத்தவரிடம் வந்து அவர்களிடம் உணவு கேட்டார்கள். அவ்வூரார் அவர்களுக்கு உணவளிக்க மறுத்துவிட்டார்கள். அப்போது அக்கிராமத்தில் ஒரு சுவர், கீழே விழுந்து விடும் நிலையிருக்கக் கண்டார்கள். உடனே கிள்று அவர்கள் தங்களின் கையால் அச்சுவரை நிலை நிறுத்தினார்கள். (இதைப் பார்த்துக் கொண்டிருந்த) மூஸா(அலை) அவர்கள் 'நீர் விரும்பியிருந்தால் இதற்காக ஏதாவது கூலி பெற்றிருக்கலாமே!' என்று அவர்களிடம் கேட்டார்கள். உடனே கிள்று அவர்கள், 'இதுதான் எனக்கும் உமக்கிடையே பிரிவினையாகும்' என்று கூறிவிட்டார்கள்.'

இந்த முதல் சம்பவத்தில் ஹிழ்ர் அலைஹிஸ்ஸலாம் அவர்கள் ஏன் மரக்கலத்தின் பலகையை உடைத்தார்கள் என்றால் அவர்களுக்கு முன்னே ஒரு மன்னன் ஆளும் பகுதி இருந்தது. அவன் ஒவ்வொரு பழுதில்லாத ஒழுங்கான மரக்கலத்தையும் நிர்பந்தமாக அபகரித்துக் கொண்டிருந்தான். அவன் இந்த மார்க்கலத்தை இந்த மக்களிடம் இருந்து அபகரிக்காமல் இருக்கவே அந்த செயலை செய்தார்கள்

(குர்ஆண் :18:79.) “அம்மரக்கலம் கடலில் வேலை செய்யும் ஏழைகள் சிலருக்குச் சொந்தமானது; எனவே நான் அதை (ஓட்டையிட்டு)ப் பழுதாக்க விரும்பினேன்; (ஏனெனில்) அவர்களுக்குப் பின்னால் (கொடுங்கோலனான) ஓர் அரசன் இருந்தான்; அவன் (பழுதில்லா) மரக்கலங்களையெல்லாம் பலவந்தமாக எடுத்துக் கொள்கிறான்.
இரண்டாவது அந்தச் சிறுவனுடைய விஷயம் என்னவெனில் அவன் இறை மறுப்பாளனாக இருந்தான். அவனுடைய தாய் தந்தையார் இறைநம்பிக்கையாளர்களாக இருந்தனர்'

(குர்ஆண் : 18:80.) “(அடுத்து) அந்த சிறுவனுடைய தாய், தந்தையர் இருவரும் முஃமின்களாக இருக்கிறார்கள்; அவன் (வாலிபனாகி) அவ்விருவரையும் வழிகேட்டிலும், குஃப்ரிலும் சேர்த்து விடுவான் என்று நாம் பயந்தோம்.
(குர்ஆண் 18:81.)“இன்னும், அவ்விருவருக்கும், பரிசுத்தத்திலும் (பெற்றோரிடம்) அன்பு செலுத்துவதிலும் சிறந்திருக்க கூடிய (ஒரு மகனை) அவ்விருவருடைய இறைவன் (கொலையுண்டவனுக்குப்) பதிலாக கொடுப்பதை நாம் விரும்பினோம்.
மூன்றாவது சம்பவத்தின் காரணம் :
(குர்ஆண்18:82.) “இனி: (நான் நிமிர்த்து வைத்த) அந்த சுவர் அந்தப் பட்டிணத்திலுள்ள அநாதைச் சிறுவர் இருவருக்குரியது; அதன் அடியில் அவ்விருவருக்கும் சொந்தமான புதையல் உள்ளது; அவ்விருவருடைய தந்தை (ஸாலிஹான) நல்ல மனிதராக இருந்தார்; எனவே, அவ்விருவரும் தக்க பிராயமடைந்த தம்மிருவரின் புதையலையும் வெளிப்படுத்தி (எடுத்துக்) கொள்ள வேண்டும் என உம்முடைய இறைவன் நாடினான். (இவையெல்லாம்) உம் இறைவனுடைய ரஹ்மத்தில் நின்றும் உள்ளவை; என் விருப்பு, வெறுப்பின்படி எந்தக் காரியத்தையும் செய்யவில்லை; எதைப் பற்றி நீர் பொறுமையாக இருக்க முடியவில்லையோ அதன் விளக்கம் இது தான்” என்று கூறினார்.
மேல் கூறப்பட்ட மூன்று சம்பவங்களும் அவர்கள் அவரின் சொந்த விருப்பு வெறுப்பில் செய்ய வில்லை அத்தோடு மேல் கூறப்பட்ட சம்பவம் யாவும் தொழுகை, நோன்பு இபாதத் சம்பந்தப்பட்டவையும் அல்ல, இவை எல்லாம் உலக சம்பந்தப்பட்டவர்கள் ஆகும்
.
மரக்கலத்தை காப்பாற்றியதும், ஒரு சிறுவனை கொலை செய்து அவர்களின் பெற்றோரை காப்பாறியதும், சுவரை சரி செய்து அவர்களது சொத்தை காப்பாற்றியதும் உலக சம்பந்தப்பட்ட அறிவாகும்.
மார்க்க அறிவில் மேதை என்றால் இன்னுமொருவர் உலக அறிவில் மேதையாக இருப்பர் இந்த உலக அறிவும் ஒருவருக்கு அல்லாஹ் அருளி இருந்தால் அவன் சமூதாயத்துக்கு அதன் மூலம் நலவு செய்வானாக இருந்தால் அதுவும் அல்லாஹ் வழங்கிய அறிவே.
மார்க்க அறிவு மட்டும் அறிவு அல்ல அது அல்லாமல் உலக அறிவை பெறுதலும் அல்லாஹ்வின் கட்டளைக்கு உட்பட்டு அநீதிகளுக்கு குரல் கொடுப்பதும் இறைவன் நமக்கு கொடுத்த கல்விதான்.
அது போல் நம்மில் பலர் உலக அறிவை மட்டும் கற்று கொண்டு மார்க்க அறிவை புறக்கணித்து வாழ்கிறார்கள் அந்த அறிவு மட்டும் இருந்தாலும் மறுமையில் வெற்றி பெற முடியாது ஆகையால்
நமக்கு மார்க்க அறிவோடு உலக அறிவையும் தருவானாக என்று இரண்டு அறிவையும் அல்லாஹ்விடம் பிராத்திப்போம்.

(அல்லாஹ் மிக அறிந்தவன் )